Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

صقـع عـليك العـراقيين يا ولد ميزران

للخرياط المتوجوج ولد ميزران . تي مالك و مال العراقيين يا دقح. تي خليك في حالك واشقى بموالك يا بهلول ... اقعد راجل كيفهم بعدين تعال احكي. اتحق فيهم كيف ايهبكوا في الامريكان ليل نهار. تعرفهم الامريكان وايلا لا. ايوا ايوا الامريكان هضكوم اللي خلو سيدك معمر الشلافطي ليلة الغارة ايبول في سروالة ويطيرالنوم من عينه و ينطمر ثلاث ايام ما حقيناله وجه. طلع ترار كيفك انت بالزبط. العليم الله انهن ثلاث ايام اسماح يا بهلول . غارة جوية ما طقت حتى 5 دقائق ... قعدتوا اتشرطوا في ملفاتكم و تجروا و تولوا زي ال.....
جاي توا تحكي على العراقيين ما صح وجهك و مااثقل مقعدك والله.
الامريكان يا ري شهر و نص و همو يقصفوا في عراق العرب..ضرب ليه ليه ياتيحا... من البر والبحر والجو .... ضرب متواصل.. اليل معلوق بالنهار.. ما فيه سلاح يخطر علي عقلك الصغير الا ما جربوه حتى الاسلحة الاشد فتكا و القنابل المحرمة دوليا اطلقوها على هلنا في العراق. ابهظا كله وين خشوا الامريكان في العراق لقوها نار حمرا. وتوا قاعدين يلعنوا في هذكي الساعة الي جوا فيها شور العراق.
قولي يا تيحا... تقدروا انتوا في طرابلس اتديروا حتى واحد فالمية ملي داروه العراقيين......ايه ايه.. اتديروا ال.... انتوا ماقدرتوا تطلعوا يوم 17 فبراير الي فات قدام كمشة ذلالة من اللجان الثورية.
البوادي يا تيحا الي اتسب فيهم و تصغر فيهم هما الي طلعوا يوم 17 في الابيار و سلوق والمقرون و البيضاء و بنغازي و طبرق و درنةو امساعد والمرج. عارف يا تيحا هذي هي مشكلتكم ... كلما تلقوا واحد خير منكم تحسدوه و تحقدوا عليه ... شعور بالدونية لاشك.
صار البلاد تبي دكاترة......قصدك دكاترة من نوعية شاكير و شكري وبودبوس وبوخشيم وفتحي شتوان و صالح ابراهيم و بلقاسم اصميدة و عقاب الهبد و اللمد اللي باعوا بلادنا ببطونهم للمجرم القذافي. ليبياو بالذات عندكم غادي في طرابلس مليانة بهال الدكاترة الهفك ... شنوا الفايدة اللي داروها و شنوا حصلن منهم خاطي دره الكبد و التآمر و الخيانة.
البلاد تبيلها واحد عند جذور ما جاهش امس ولا اول امس ...فهمتني ياتيحا. تبيلها واحد من نوعية الشيخ زايد بن سلطان رحمة الله عليه.
الشيخ زايد لا يقرا لا يكتب ولا عنده دكتوراة و لا كرناكطي و لا عمره قال انا من آل البيت. لكن الشيخ زايد ابدوي و عنده اصل و بيتيه و لهذا دار وأسس احسن دولة عربية تنعم بالعز و الامن والامان... لا قعد ملك و لا دار قصور و لا خلى الناس عبيد عنده زي القذافي و لاشئ ... رحمةالله عليه.

صقع عليك البوادي يا قليل الاصل.

ومقعد بلا خسارة.

حبيب


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home