Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

إلى الرقعـي واسود برقه

يجب ان تعلموا بانكم لا تمثلون الا انفسكم ولستم ناطقين باسمنا نحن اسود برقه الاحرار الحقيقيين في الداخل فالشعب البرقاوي شعب برقه الاصلي الاصيل والحقيقي المتكون من قبايل المرابطين والسعادي فقط اسياد برقه وسكانها الاصليين احفاد عمر المختار يرفض كلامكم واوهامكم التي فيها الكثير من المجامله والنفاق لسكان الغرب على حساب حقوقنا وحقايق التاريخ فنحن نريد برقانا الحره المتحرره من سلطان الطرابلسيين ونريد الاستقلال التام ولاعلاقة لنا بما يسمى دولة ليبيا من قريب ولا من بعيد صنيعة الطليان والانجليز وشركات النفط الكبرى ونحن لانريد وحده لا اتحاد لا خلطه لا خليطه بل نريد لنا نحن شعب برقه دولة امارة أو جمهورية برقاويه حره مستقله ونحن نريد الاستمتاع بخيرات نفطنا ومالنا ومال مشاكل واحقاد الطرابلسين والسرتاويين ومشاكل امازيغ ما امازيغ وبربر ما بربر فليحلوا مشاكلهم بعيدا عن برقه ونفط برقه وليستمتعوا بحكم السرتاوي الغرباوي الحقير معمر القذافي متاعهم ويخلونا في حالنا واستقلالنا الذاتي ليش النفاق والتباكي على ليبيا ما ليبيا؟ فلتذهب هذه الدوله الطليانيه الانجليزيه صناعة الشركات النفطيه الى الجحيم لا وحده لا اتحاد لا واحد لا هنيه لا هنيات وكل واحد يلعب قدام حوشهم ونحن الشراقه حوشنا هي برقه برقه فقط هل هذا مفهوم؟

كفانا نفاق وتملق كفانا هبال وعباطه واستعباط واستحمار لقد ضحكوا علينا الغرابه كثيرا اكثر مما وصوهم. غرابة الغرب وغرابة الشرق مرتين. مره ايام الغاء الاتحاد وتاسيس دولة الوحده المشوومه وقد لعب غرابة الشرق دور كبير في هذه الوحده المشوومه ومن خلال جماعة جمعية عمر المختار التي كانوا يسيطروا عليها. ومره ايام الغرباوي القذافي اللي ضحك على مجموعه من الضباط الشراقه السذج وركب على ظهورهم للوصول للسلطه وبعدين ذبحهم واحد واحد كيف السعي على غير قبله والا تبوهم يضحكوا علينا للمره الثالثه ومرة اخرى في المستقبل بسم ليبيا والوحده الوطنيه واحني يا ولاد كلنا ليبيين ما ليبيين وانتم الشراقه الطيبيين كرام خوتنا ما خوتنا ولعوص جاي ولعوص غادي ومش عارف شنوا ومن تحت التحت ياكلوا ناقة الله وسقياها ونلقوا ارواحنا مره اخرى مجرورين بحبل الغرابه. والله تقعد فضيحه تاريخيه وعار اي عار.

يا رقعي يرحم بيك بلاش كلام فاضي وفكنا من المجامله والنفاق والهبال متاع الشراقه وفكنا من اوهام الوطنيه الليبيه متاعك وخليك في وجيجك مع شاكير احسن لك واحسن لنا والله راك درهتلي كبدي. وانتم يا اسود برقه ما اسود برقه ان كانكم برقاويين احرار بالصح وتريدوا حرية واستقلال برقه بالصحيح فتخلصوا اولا من اوهام ليبيا ما ليبيا والبكاء على لوهام ولا تثقوا في الغرابه غرابة الغرب وغرابة الشرق. كلهم ولائهم لطرابلس وللغرب والنفط. صدقوني.

ومن الاخر وكلامي الاخير وزبدة الموضوع والله بالنسبه لغرابة الشرق اللي مجاورينا في وطنا وصار بينا وبينهم خلطه ونسبه ورز ولحم وعيش وملح وازرطنا فيهم تزريطة عديك واللي صار صار والله يبوا يحطوا ايديهم في ايدينا ويكون ولائهم لبرقه اولا واخيرا لا للطرابلس ولا الغرب ولا لموطنهم الاصلى اهلا وسهلا ومرحبه وبجّوده والا لو كان في عقلهم موال اخر وقلوبهم في طرابلس معناتها الحل بختصار هو ان كل واحد بالله يلعب قدام حوشهم ونحن حوشنا برقه لا ليبيا لا جماهيريه لا وحده لا اتحاد لا خلطه لا خليطه وكل واحد اولى بلحم ثوره. والمومن ما يلتذع من حفرة العقرب مرتين. هلكم هلكم والدين ممنوع والزعل مرفوع. والحاضر يبلغ الغايب والسلام.

برقاوي حر وحقيقي من وسط برقه


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home