Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

ضيفة ثورية في ضيافة الرقيب عـبدالمالك

الو الو ياعبدو... ياعبدالمالك ... يارقيب ... انت سامعنى.. وايلا لا ؟؟انت مستخبى فين..؟؟؟؟ انت خايف وايلا ايه... ماتطلع ياد.. ماتطلع ياراجل ياجبان من تحت الترابيزة.. وبان وعليك الامان.. انت بتعمل ايه عندك... وكمان ماسكلى شاكوش وكاشفيتا؟؟ (انا مقدسدشى الوله كاشفيتا بتاع العصبان والكوسكوسى..) ماترمى الزفت ايلى فى ايدك واطلعلى ياخويا... تعالالى.. تعالالى ياروح امك... ده انت بعد عملتك السودا والمهببة دى ايلى عملتها فى لندن حتبقى بسبوسة خالص... وبصراحة انت بقيت فى الباباى يامعلم.
وان شاء الله ان شاء الله ياملوكتى قفاك حيستحمل زى مايستحمل الضرب فى البيت.. وايلا حتنكر زى عوايدك؟؟ يالئيم بالزمه ده كلام ياعبدو؟؟؟عينك واسعة ياخى.. ايه ده ... ده انت مش لاقى حد يلمك بقى وايلا ايه..
تجيب وحدة فاسدة ومجرمه ..لا وقال ايه.. عضوة فى اللجان الثورية الخرا بتاع القزافى المجنون وعامله نفسها دكتورة وبتدرس.. شوف البجاحة يااخى.... وتعزمها على ندوتك ايلى عملتها فى لندن وتقوللها فى التليفون ((انتى ياحبيبتى ياسعاد بس تعاليلى لندوتى واعملى نفسك انك سمعتى عن الندوة فى الانترنت.. وانك جيتى لوحدك ولامن شاف ولامن درى ...وتستغفل الناس ياعبدو مش حرام عليك؟.. حلوة تستغفل دى ..(كلمة "تستغفل الناس" دى حتعجب ناس كثيرة...قوى قوى قوى قوى...) امممممممممم ماعلينا .
وبعدين ياعبدو مش عيب عليك تعاكسها فى التليفون كمان وتقوللها .. ادينى بوسة قبل ماتقفلى التليفون ياجميل. وتغنيلها عوض المالكى .... هى المعزة الجربانة دى فيها مايتعاكس؟ ياسفاح.
وبصراحة بصراحة انا عايز اكلم بوعشة باشا.. خبير الثوريات والفقه الثورى الاخضر وعايز اسالوا عن تاريخ المجرمة دى وجرائمها لان بوعشة باشا بيعرف الثوريات قوى قوى قوى من ريحتهم المنتنة.....
اييييييه .ياحصرة على ايام زمان يابوالفراريج وقت ايلى كانت المعلمة والرقاصة شلابى بترقص وانت كنت البلطجى بتاعها. وبتلم النئطة...معلش بقى ماتزعلشى منى ياعشوشتى.
....اه صحيح ياابوالعشاعيش ده انا ماكنتش عارف ان فضيلتك دارس فى الازهر.. وبتاع دين وتاريخ وتقدر تكتب وتفتى...
شى لله يامولانا يابوالعشة.. ..حى ..وحدووووووه ه ه ...لااله الا الله .
... لكن على فكرة ناس كتيره قلتلى واكدتلى ان البنت المجرمة دى بتاع اللجان الثورية بتشتغل مع جماعة القزافى.. وجاية هى وجوزها الاهبل لبريطانيا عشان يدخلوا ويعملوا شوشرة وبلبلة فى المعارضة الليبية يعنى بتعمل نفس الوساخة ايلى بتعمل فيها زميلتها البنت المفعوصة ايلى اسمها امال محمود سليمان يخرب بيتها وبيت ابوها المجرم... ... دى عالم زبالة ياجدع ومعندهمش ضمير.
انا بس حبيت امسى عليك ياعبدو وانبهك وانبه بعض الناس الطيبة ايلى بتروح لندوات وهى مش عارفة انها رايحة لجهنم برجليها...وان القزافى ومخابراته شغالين على ودنو... ودلوقتى يامعلم اسيبك عشان فيه واحد من ليبيا اسمو اسمو اسمو. اه صحيح هو اسمو ايه ؟؟..ايوه افتكرت دلوقتى.. اسمو ولد ميزران فاكروو...(ده بيعمل عمايل..والناس حتتجنن وعايزه تعرف اسمو الحقيقى...قال اسمو قال... فى المشمش ياخويا.)...هو عايز يكلمك وعايز يدردش معاك شوية بس عشان خاطرى تستحملوا يامعلم حبتين عشان هو ساعات بيلبخ فى الكلام. وبيعووك.. وابقى خلينا نشوفك مع الناس النظيفة بقا.. سلملى نظيف اسلمك نظيف....
طب والنبى ياعبدو عشان خاطرى وخاطر العيال اعملى بسرعة عجين الفلاحة.
....خلاص خلاص ياعم خلاص ده انا باهزر معاك ياعبدو.. ايه ده ..هو كل مالواحد مابيهزر معاك تقوم تتفل عليه وتجرى وراه ..ياساتر على اخلاقك ايه ده الله يقرفك زى ماقرفتنا... يالله سلام منى.

الو الو..ايوه..عبووده تى شنى الجو ..تى شنى الفالطة هذه ايلى درتها ...شنى هبلت وايلا شنو؟؟؟؟ .
معقولة ياعبدالمالك اتجيبلى وحدة مجرمة فاسدة وعضوة فى اللجان الثورية وتصدرهالى فى ندوتك وبعدين تدعى الناس لندوتك وتخلى الحكاية معيز وضان؟؟؟؟؟ باهى وخيرك ماجبتش برتقال هش هو الاخر.. وقدمته للحضور باش يبردوا على ارواحهم شويه وبعدين تعالالى جاى يابوحا.. توا انت امدايرلى روحك خبير وملم فى مجال حقوق الانسان الليبى.
وفى نفس الوقت مش عارف راسك من رجليك.. ودرت عفسة قدام الحضور هكى كبرها ومعرفتش اسم اشهر سجين فى ليبيا ايلى هو الضراط ...وقعدت توتوت واتمتم وحايس فى اوراقك والعرق يصب منك.. لين ساعدك ايلى مقعمز فى جنبك وسمالك اسمه...عليك فضيحة يارى.. يامتاع حقوق الانسان... يامتاع حوكلى ظهرى انحكلك ظهرك.
بصراحة انت المفروض تعلنها وتقولها بصراحة وعلى المفضوح هكى عينى عينك انك تتعامل مع سيف الاسلام وتروجله لحملته الانتخابية القادمة....وتقول للجميع ايلى مش عاجبه يمشى لليبيا ويشرب من مية النهر الصناعى المتشقق.... وانك تبى تكون فى المستقبل واحد من وزرائه لما القذافى المجرم يتوكل لجهنم... وزى ماوعد الفرطسة سيف الاسلام الشامس وقاله انك حتكون وزير اعلام لما انى نحكم ليبيا ..تحلم الدجاجة..اممممممممم..!!؟.
سبب تاخر تحرير ليبيا ياعبوودة من سرطان القذافى مش على خاطر القذافى قاعد فى الحكم لا لا ياغزيل لا .. السبب الحقيقى هو تصرفاتك الحمقاء ايلى تتصرف فيها من غير تفكير وايلا دراسة انت وامثالك... يعنى انت قاعد توا تميع فى القضية الوطنية ايلى ماتوا على خاطرها شهداء وقاعدين الالاف الوطنيين فى سجون القذافى لغاية توا يتعذبوا كل يوم.. وانت ياسى عبدالمالك قاعد تتسهوك فى لندن وشاد سبحتك وتلعب بيها يمين ويسار ومانك عارف الحكاية امنين زارقة... وطايح فيها ندوات ومؤتمرات ادره ستين كبد ومفيهاش اى نتيجة...وقاعد تلعب بمشاعر ومصير شعب كامل .. وفى نفس الوقت انت مش عارف انك امداير دمج كبييييييييييير... فى الساحة ومش انت بس فيه معارضين تانيين زى المقريف وجماعته وغيرهم.. داروا نفس اللبز والدمج ...وقابلوا يوكات القذافى المسخين فى اوروبا وقعمزوا معاهم وفيه منهم استلم فلوس .. وبعدين اتجيه وتقولى بكل برادة وصحة وجه : انا زعيم وطنى..انا انسان شريف... انا عندى رصيد نضالى وردوا بالكم تتكلموا عليا... وشكشى ياماكينة القرادل.. وزيد تحدى زيد.
هذا هو السبب ايلى خلا قضيتنا الليبية محلك سر وخلا المجتمع الدولى يتهزا بينا ويضحك علينا ومايديريناش اى حساب ..لان دوتنا فارغة وبوقى زايد... فهمتها توا وايلا لا.
انى مانفرضش عليك حاجة بالقوة يابوسندس.. وانت حر تتصالح مع النظام.. تروح لجماهيرية القذافى.. تقابل سيف زى ماقابله على زيدان وسليمان بوشويقير وعلى بوزعكوك وعاشور الشامس وجمعه القماطى ونعمان بن عثمان وغيرهم من اللقاقة والزمزاكة ايلى ماعندهمش اى شعبية داخل ليبيا وكل مايطلعوا فى التلفزيون والفضائيات اصبحوا محل تهكم واستهزاء من قبل الليبيين والمثقفين داخل ليبيا يعنى ايلى هناك فى الطبق.
...وماعنديش مانع ايضا ياعبدو انك تبعث حتى اهلك لليبيا زى مابعثوا بعض افراد هيئة المتابعة زوجاتهم الى ليبيا مؤخرا؟؟؟ ولك الحرية حتى فى زيارة كاتب القذافى الخاص فى المستشفى ..( ايلى يهبل فى القذافى ويقلبله فى دماغه فى عقابات الليل ويفترمله ويقوله: راهو الهنود الحمر ياقايد اصلهم من ليبيا.. وراهو فنلندا كانت فى ليبيا وتحركت الى اوروبا بفعل العوامل الجيولجية والزلازل.. وراهو موبوتو سيسيسيكو اسمه معبوص قرد..) المتلولق خشيم ايلى قاعد يتعالج الان فى احدى مستشفيات لندن.. وعلى فكره راهو ناس هلبة محسوبة على المعارضة وعلى المؤتمر الوطنى زاروه ورفعوله الورود والماكلة مؤخرا ...هذا كلة انت حر فيه وان شاء الله مشبط وملبط عليك ..
.. لكن ماتجينيش وتبدا تضحك علينا وعلى الشعب الليبى وتبدا تلعب على الحبلين؟؟.
هنى تلقا ناس ينتقدوك وربما يهاجموك ولهم الحق فى مهاجمتهم ليك لانهم يشوفوا فى مصلحة الوطن قبل مصالحهم ومنافعهم الشخصية.. ويدافعوا على القضية الليبية وعلى الابرياء ايلى انتهكت اعراضها واعتدى القذافى المجرم واعوانه على شرف عائلاتهم.
وانقولك ربما لو ان الشاويش عطية كان موجود بالطبنجة امتاعه قدام باب الندوة راهو ماقدرتش المجرمة اتخش وتحضر ندوتك ...اه ياشاويش عطية اين انت؟؟.
لكن نحب نطمنك ياقائد منظمة الرقيب والتحدى.. وياحنين على الراهبات الثوريات ... ان الوقت قرب والحكاية اصبحت حكاية غربلة ساحة من المنافقين والزئبقيين والمنبطحين واللقاقين والزمزاكين وايلى قاعدين يكروا ويشحوا فى حبل سيف وفيتة الناتلة.
.. وايلى نيته صادقة يقعد ثابت ومتغيراش الايام.. ولا تغيره فلوس سيف ولاوعود اى لجنة مشبوهة.. وايلى نيتة خبيثة وغير صادق فى وطنيته حينكشف امره قدام الليبيين وحيذكره التاريخ انه خان العمل الوطنى وبصراحة ايلى يموت من الشياطين يخفف على الملائكة.
لكن بصراحة انى زعلان هللللللبة بالذات على حضور الحاج يونس والمناضل الامازيغى سالم سالم الله يمسيهم بالخير.. على خاطر ماكنتش نبيهم يحضروا والمجرمة الفاسدة امتاع اللجان الثورية امقعمزه فى الندوة.. وخصوصا انه هو واحد من الناس ايلى فارضين احترامهم وسط الليبيين (راجل عفيف ويده نظيفة ومتاع ربى ولاغبار عليه..) والمرة هذه ياابوالبلابل عرفت حقيقة عبدو ورد بالك فى المرات الجاية.
لكن تبو الحاق ياجماعة الحاج يونس هذا رجل خطييييييير ورجل متقدرش اتفوت عليه حاجة ...وعنده حكايات على ايام الشباب فى درنه...
ياحصرة على هاديكا الايام ياحويج ان شاء الله ربى يردها وكلنا نرجعوا لليبيا بعد ماينتلف المجرم القذافى بعون الله ...الحاج يونس هذا كان فى صغره اتقول عليه شكله (ممثل فى هيوليود من وسامته).
ياحاج فكك من حفر عبدالمالك راهو ايلى يتبع سريبة راهو يمشى فى داهية.... المهم ياحاج يونس وياسالم سالم ..خليكم ديما زى مانعرفوكم ومتركعوش ايلا لخالقكم.. لان التاريخ مايرحمش.
وطبعا فيه ناس تانية مشبوهة وعليها اشارات استفهام حضرت لكن لاباس لو تكلمنا على بعض منهم على الماشى ..تره بالله ياعبوده حول هكى وخلينا انشوفوا اشكون حضر تانى فى ندوتك.
بسم الله.
تى شنو حالك ياعيسى ياعبدالقيوم (نبى نبشرك ياعيسى ان راهو فيه بخاخات صبغة سوداء خاصة للصلع...نزلت توا فى الاسواق .. وبمجرد ماتبخها على صلعتك اتبان وكانك عندك شعر جديد.. لكن رد بالك تستعملها لما تكون متوتر او امقعمز بحدا وحدة ثورية فى ندوة.. او لما يكون الجو حار لان الصبغة السوداء تبدا تسيح وتنزل على وجهك وتبدالك فضيحة.. قالوا الجماعة ياعيسى شافوك جيت على بشكليطة من مانشستر للندن باش تحضر ندوة عبدالمالك؟؟؟.
ان شاء بس مش قاعد تثبت للثوريين انك اطبق فى مقولة الرياضة للجميع .
المرة هذه وجهك ماهوش اصفر زى المرة ايلى فاتت لما حضرت ندوة الراهبة الثورية بنت المجرم سليمان محمود؟؟.. تى كيف الدوة ياائومة؟؟ اكيدة واكل عصيبينات.قبل الندوة صحيحتين ياعيسى ومتنساش ترفعنا معاك لااسبانيا على خاطر انى سمعت انك جاتك دعوة اسبانيولية...وريهم ياعيسى..وريهم ياعوعو الدق كيف.
اهلا اهلا اهلا نجومة ..تى كيفنك يانجومه؟؟؟ المرة هذه زى من يدغدغ فيك على خاطر لقيت سبلة الرقيب وقدرت تحضر الندوة وتطلع فى الصور...امقعمز ومتبحبح ياشويطين.
شن حال جماعة كوسا ايلى فى القاهرة؟؟.. بالله مازال فيه اتصال معاهم زى العادة وايلا الايام هذه امخفف وادير فى التروكووات.
قالو شافوك يافرج نجم طول الندوة وانت اتمتم بفمك وتقرا فى القران كله ودعيت لربى باش يطلع خشيم الهرواك من المستشفى واديرله ندوة ماحصلتش... الله غالب ايلى فيه خصلة اللقاقة والفرمطة ماتتنحاش منه ومايتغيرش لين يموت حى.. اشكون ؟؟ جمعه السم فى الندوة..ياللهول ... ياوالله حالة..واخلاص ...جمعة القماطى كراع عند الرقيب وكراع عند مؤتمر الفا... وكراع ثالتة عند سيف والكراع الرابعة داسها وامدايرها شكورطة ...احتياط للطوارىء.
جمعة القماطى ابو رجل مسلوخة يحييكم ويتمنى لكم ندوة ثورية .. ويسعده جدا ان يخبركم انه الرجل الذى لاتغرب عنه الشامس عفوا الشمس.....
طلعت يامحلا نورها شمس الشموسة يالا بنا ياقماطى نقبض.. ثمن الشرموووووولة.
بن سريتى حتى هو موجود فى الندوة؟؟ لالالا ..انى مش مصدق عيونى ؟؟؟.. اضونى ياجماعة انى غالط ايلى كنت نحسابه بن سريتى طلع المسيو على زيو ..والله العظيم عمك زيو امقعمز امللش ويلمع.. وغاسل وكاوى ولابس فانيلية المؤتمر وتقول شكلة مدرب منتخب وقاعد يكتب فى تشكيلة الفريق ايلى يبى يشارك بيه فى المؤتمر الوطنى القادم....
تى شنى صار بالله فى المؤتمر ياهيئة؟؟؟ انى نسيت مرة وحدة دوة المؤتمر.
... وين الانجازات ايلى وعدتونا بيها ووين استعراض العضلات ايلى درتوها فى الاعلام؟؟ قدام الشعب الليبى...راهو يامؤتمر راك سكرت سنة ومادرتش اى حاجة على الاقل ديرنا مظاهرة يوم واحد وعشرين واثنين وعشرين من يونيو فى واشنطن.. قدام الهوتيل ايلى يبى يدير فيه شكرى غانم مؤتمر الانتينات الليبية... لموا شوية ليبيين وديروا بيهم مظاهرة وخلوا لملوم يلملم الناس ويجيب الملايين من اتباعة واتباع حزب البعث باش يكثر بيهم الناس.
شنى حتى هذه واعرة عليكم .
ياناس ياعالم يايلى بعتوا قضيتنا وايلى قبضتوا ثمنها اسستحوا على وجوهكم واستحوا على شيبتكم وفكونا من درهات الكبد ومن التبرطيع والعربدة الزايدة امتاع دين امكم.

وقبل مانسكر التليفون ياحبائى الاعزاء جدا جدا((نعرفكم تحبونى وتموتوا عليا..)) نبى نوضحلكم حاجة مهمة وايلى هى ان ولد ميزران لما يكتب او يتكلم راهو ماهوش يستقصد ناس معينة وايلا يصفى فى حسابات او يضيع فى الوقت.
ولد ميزران ليبى زيكم زيه وعايش معاناة الشعب الليبى وفى قلبه غصة وحرقة ومليان دموع ومرات يجيه عليه الوقت .
مايقدرش يبكى لان قهر الرجال مش حاجة ساهلة وهينة وانتم تعرفوا ايش معنى قهر الرجال ولد ميزران ماتحملش الظلم ودراهات الكبد ايلى البعض منا يدير فيها ومستمر فى ديرتها. والقصد من كتيبته او استعماله لاسلوبه الساخر هو ردع الناس ايلى تلعب بالقضية الليبية وتساعد على استمرار حكم الملعون القذافى.
ولد ميزران فيه ناس هلبة معجبهاش اسلوبة وزعلت منه وتنرفزت ربما لانها متعودتش على هذا الاسلوب الجديد وربما لانها كانت يوما ما تعمل بعقلية القذافى الديكتاتورية ولقت نفسها معارضة فى الخارج.
ولكن نبشركم ياحنينين ان ولد ميزران سيستمر فى هذا الاسلوب ولن يصمت حتى تتحرر ليبيا وينتلف القذافى فى ستين داهية وترجع بلادنا كيف ماكانت ليها دستور ونظام حكم اختاره الشعب ونعود نحب بعضنا البعض كيف ماكنا وكيف ماربونا اهلنا.
وشنى حالك يابوبردعة توا... بالله مانلاقيش عندك دربوكة تمر.. وايلا بندير زليطنى وايلا اى وثيقة قديمة ماتبيهاش باش نلفها ونحط فسطها سيمينسا وشوية كاكاوية على خاطر خلوقى ضايقات بكل ونبى نتمشى على كورنيش البرنيتشى.

ان قالوا السعداوى جى ... طحت وبخونى بالمى (الماء)..؟

ولد ميزران


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home