Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

ملحوظه عـن طرابلس

كثر في الاونه الاخيره وعلي صفحات الانترنت وفي الهدرزه العاديه حتي في المنازل الحديث عن نظام طرابلس الشر وبنغازي المحرومه ومخيمات لاجيئين وغير ذلك وتحت مسميات عده عنصريه جهويه او قبليه او عدم درايه وللتوضيح اقول :
طرابلس مدينه عريقه وعظيمه ولا دخل لها لا في السابق ولا في الوقت الحالى بما يحدث من خراب بسبب البداوه.
طرابلس نفسها تعاني الامرين ظلم اصحاب هذه الكتابات وظلم عصابة البدو الحاكمه فلا نحن سهلنا ويسرنا لهذا الانقلاب ولا ساعدنا في الخراب واسألوا من يسر وقدم لهذا الامر وخان الامانه والسلطان.
طرابلس اليوم فيها المجاري الطافحه وفيها سكان البراريك او المخيمات كما قال المدعو جاب الله ولان اهل طرابلس حضر فهم لا يعرفون الخيم ولا النوق.
لعل الساده المولولين علي بنغازي لا يعرفوا بقصد او بغير ان الخراب عام ولعل! هم شاهدوا علي قناة القنفود تلك المدرسه بمدينه ترهونه والطلبه يجلسون علي الطوب الاسمنت بدل الكراسى والسقف من الزنك ولا ابواب ولا نوافذ وهم ذو عدد تجاوز مئتان طالب. او لعلهم لم يشاهدوا الطريق الساحلى بين طرابلس الخير ومصراته ولعلهم لم يزوروا نالوت وزواره.
الخراب عام مع استثناء مصراته وسرت ونرجوا من الساده الذين يكتبون من امثال اصحاب الجبهه الذين اصبحوا فيما يبدو جلهم من برقه الخير وذلك نتيجه لعنصريتهم وقبليتهم المهم جهات كهذه من المفترض ان تكون محايده ولكن للاسف تفوح من كتاباتهم العنصريه اما قبليه او جهويه.
نحن في طرابلس لا نعرف القبيله وليتنا نعرفها ثم اهلنا لم يكونوا ذوا مناصب لا في السابق ولا في اللاحق حتي يهربوا بالفلوس ويعيشوا في رغد مع ملاحظه انصاف وهي الشعور بالغربه عند بعض هؤلاء ونحن لابد لنا ان نحترم جدا الذين ضاقت بهم الارض كما نحن هنا وهاجروا وانصفوا كالشيخ مصطفى البركي اطال الله عمره.
علي اي حال اهل طرابلس ضحايا مثلهم مثل باقي ليبيا ويطلبون الانصاف وقول الحق لأن اهلها لا يحبون الكتابه علي الانترنت كما تحبون ولانهم خليط فهم ليسوا دعاة قبيله ولا انقسام.
والله من وراء القصد.
والسلام عليكم ورحمة الله.

طرابلسي يطلب العـدل


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home