Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

عـاجل الى العـتوق / كندا...

فوجئنا بصفاقة العتوق في أيميله الأخير الذي أعلن فيه قبل كأس العالم بقليل (ولا ندرى حقيقة هل هو تاريخ تم اختياره لدلائل ذات مدلول أم لغباء مطبق كالعادة) ، بأنه ثوري حتى النخاع. فعلاً إذا لم تستحي فافعل ماشئت ( أقصد إذا لم تستحي فافعل ما يفعله العتوق ) ...
الثورة يا حضرة المش دكتور العتوق ماهياش بدل حريرية وعطور باريسية. الثورة يامكفوخ ماهياش نظارات بدون شنبر وعدسات ملونة. الثورة يامتعوس ماهياش كنادر سناك وموبايلات الجرة. الثورة ماهياش سيارة صحراوية في بلاد الثلج يغطى في ثلاثة أرباعها. الثورة ماهياش دولار يصب كل شهر وحطان رجل على رجل وشراب شاهي أخضر وأحمر.

الثورة ياولدي راهي كد وجد وتعب ونكران الذات والتضحية من أجل الآخرين.

لو أنك ثوري صحيح كما قلت ، وانك مستعد تخدم الثورة من أي موقع عمل يكلفوك بيه ، أرجع أخدم الثورة من داخل البلاد تحت طائلة سقف القانون رقم خمسطاش للمرتبات ، مش قاعد تلهف في سبعة آلاف دولار في الشهر على مهنة شراب الشاهى في قهاوي أوتاوا وتخييط الشوارع بسيارة بنزينتها على حساب المجتمع.

الدولة الليبية مُـقبلة على تحولات كبيرة على صعيد البنية التحتية ومحتاجة لكل دولار وكل سنت قاعد انت تلهط فيه على الفاضي. أنت مثال حي للبطالة المقنعة اللي تكلم عليها القائد أكثر من مرة وفى أكثر من مكان. لو أنك ثوري صحيح ، أرجع للبلاد طالما ماعندكش لاخدمة ولاقدمة هنا ، وخلينا نوفروا هالدولار اللى قاعد تلهط فيه خلينا نديروا بيه طريق والا حتى حفرة مجاري فى واحد من شوارع طرابلس اللى مغلوقه جعباته.

يارجل تحشم وارجع للبلاد ووقف هالنزيف اللى صاير فى الخزانة الليبية طالما ماعندكش وظيفة هنا غير شراب الشاهي والتسهويك على باقى الموظفين ... ماتقوليش شنو الدور الثوري الخطير اللى قاعد تدير فيه ؟؟ لو أنك تتحشم ( وهذا شىء بعيد الإحتمال )، على الأقل حلل قروشك واخدم الخدمة اللى يخدم فيها طونى سواق السفير ، وراهي للعلم ماهياش خدمة صعبة ، فانت عندك خبرة الآن فى السواقة بعد الدكتوراة الفخرية اللى قالوا اعطوها لك فى تخييط الشوارع والزناقي .
توالله نحلف عليك ماتكساب ذرة حياء ولا نقطة دم تخليك تتحشم على روحك وتروح لأهلك وناسك ( راهو أهلك استاحشوك ... روح ، روح ، روووووووووووووح فكنا من شرك ).

يالها من ثورية تلك التي تتمتع بها يامش دكتور العتوق.

طالب بدون أكتاف / كندا


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home