Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

ننساك

ننساك     نجبدا طرواك     تسكب العين ماتحملا فرقاك     هايال خاطرى

نقول اللى بلا سلام وعدا
سافر وطالت سفرته من مده
اتركيه ياعين قولى الله لا يرده
يقول القلب اجعن الله ما يقبل دعاك

هايال خاطرى ننساك

اريد ننسى صوبك
وانك ياعلم شايكات دروبك
وماينخش مفلس بلا مال سوقك
وبمال الدنيا ياعزيز صعب شراك

هايال خاطرى ننساك

ليش دور السية
وليش يا عزيز معانا نويت الغيه
نقول نتركك جواباتك تذكر فيه
بايام الغلا يوم كنت معاى وانا معاك

هايال خاطرى ننساك

يراجيك نين تعود
اللى مكحل ارماقة كل يوم بعود
مع كل تكحيله وربنا المعبود
طيفك يجى يزيد يا حبيب غلاك

هايال خاطرى ننساك

وماتتنسى يا الغالى
حتى ان جافيتنا لك علينا أفضالى
ومانبيعوك برخص ولا بسوم غالى
وجميلك كبير ومانردو ءكفاك

هايال خاطرى ننساك

وما نجفوك
ولا للغير تهون ونبيعوك
ونفسنا عزيزة وبالعز بس نجوك
وبالذل مانرضوا حتى إن حبيناك

هايال خاطرى ننساك      نجبدا طرواك      تسكب العين ما تحملا فرقاك

خواطر إمرأة من زمن الحب


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home