Libya: News and Views      LibyaNet.Com      Libyan music       Libya: Our Home
Libyan Poet Yasin Abousaif Yasin
الشاعر الليبي ياسين أبوسيف ياسين

Tuesday, 26 September, 2006

أياما مضن

ياسين ابوسيف ياسين

هذه القصيدة ردا على رأس بيت ـ لا يحضرنى قائله ـ يقول :
أياما مضن ما عاد شى نلقوهن ... وانكان راجعن ليام ما يلقنا.


أياما مضن ما عاد شى نلقوهن

وانـكان راجـعن لـيام ما يلـقـنا

ولا عاد شى تجدد ولا اتزيد فيها لا ان ردت تمدد
اتلوم الزمان اوما عليه اتعدد الدنيا اتجم او تنفلت و تبدد
اولانسان فيها كل وقت امهدد

بين الصغا و القهر واللى منا

اولا عاد شى اتكرر ايام عز عدن فيش وايش يبرر
لها وقت تطابخ اوفيش اتصرر ولها وقت تطافر خبر يجرر
زعم ناويه من جهلها اتحرر

ولا واخذه عالغلب شينك غنا

ولا عاد شى نبوها نحنا تركناها او زاد هم كرهوها
الدنيا غروره قبلنا قالوها او ربك خلقها فانيه مشبوها
او ما من خلايق قبلنا داسوها

لا مان فيها لا عروق محنا

اوما ايهمنا سوا راجعن ولا ادارن عنا
فى وقتنا غصبن اداعن لنا مشينا امعاهن شوط ما كادنا
صبرنا او عاندنا او ما هاونا

ودرنا لهن ليام كيف ايبنا

او مو بيدينا نرجع الماضى والعزيز علينا
تاريخنا يشهد ابما يكفينا او حافل بماضى فيه ما يغنينا
ولو يرجعن ليام ما يعنينا

نلنا امعاهن كل ما انتمنا
أياما مضن ما عاد شى نلقوهن وانكان راجعن ليام ما يلقنا

ياسين بوسيف ياسين
yasinabuseif@yahoo.com


Libya: News and Views      LibyaNet.Com      Libyan music       Libya: Our Home