Libya: News and Views      LibyaNet.Com      Libyan music       Libya: Our Home
Libyan Poet Yasin Abousaif Yasin
الشاعر الليبي ياسين أبوسيف ياسين

Sunday, 5 February, 2006

حوار بين النفس والضمير والعـقل

شعـر : ياسين ابوسيف ياسين


وين ضميرى توا وين
عمره ما تغمض له عين
يحرمنى من النوم اسنين
فى غفلة ما ندرى وين
بالرأى الصائب والزين
يقطع بالحجة قولين

النفس :
ضميرى كان يعذب فيا
كان امغير يزن عليا
وكان غلطت يشهر بيا
اليوم تقول بعيد شوية
اريد العقل يشور عليا
لا ا يجامل فيه ولا فيا


ما عندك غير تضانين
مشاريع تجيب ملايين
قلتى بس كفاية زين
وتردى الصاع بصاعين
تسدى ذانك بالصبعين
وانا عنك ما عندى وين

الضمير :
و انت يا نفسى الدنية
مشاكل واطماع وحسديه
وما عمرك فى وان عشية
وكان نهيتك تهزى بى
الصرخة وين تكون قوية
تركتك يا نفسى الدعية


راه الحق عامود الدين
من يادم لا عند زنين
خالقكم ديما ضدين
ما العقل اللى بات حزين
خسرانين انتو لاثنين
انسكر ها الباب بقفلين

العـقل :
يا خوتى بشويش شوية
حكمة رب الانسانية
فى تقديراته العلية
كان تريدوا راى هدية
فكونا من ها القضية
وكان الشورة تمت ليا

ياسين بوسيف ياسين
yasinabuseif@yahoo.com


Libya: News and Views      LibyaNet.Com      Libyan music       Libya: Our Home