Libya: News and Views      LibyaNet.Com      Libyan music       Libya: Our Home
Libyan Poet Yasin Al-Walidi al-Werfalli
الشاعر الليبي الوليدي الورفلي

Sunday, 2 December, 2007

غـلطان بتـخـضَّـع الورفلية

رد ورفلة عـلى قصيدة معـمر القذافي المغـناة
التي تقول : "سلامي علي اللي ساكنة في الوادي"
والتي يستفزّ فيها قبيلة ورفلة

الوليدي الورفلي

غـلطان بتخضَّع الورفلية اللي خاطلك هذا عـديم درايه
أنسى الخوايا موش حقانية هذي محاكي لغو في سهرايه
كلام كدب ماعنده ثوابث حية كيف من بني بيته على قصبايه
لينا السلف بترد بالربعية علينا رعيت تريدنا رعايه
وان جت في السياسة ظلم للبشرية كما ظلم جيشك وين خشو فايه
وراهن سواياكم تفوت المية كما ظلم من عاطي ليهود رعايه
كما ظلم وينك جايب تشادية لي سرت تبيهم صفوف حمايه
حني سرت لينا في الحجج منبية يجي يوم تبدو ضاهرين عرايه
التاريخ واضح نقش في عِلِّيَّة واللي انتقش ما تمسحه محايه
غلطان بتخضَّع الورفلية اللي خاطلك هذا عديم درايه
ولد زعفرانة الفاسقة الرِبِِيَّة نوي اللدغ جاه الضرب عالسوكايه
بالعقل نرضو خوتنا رعاوية وبالعقل نرضو خوتنا ساسايه
وبالعقل نرضو بأصحاب الكية وكيف نحضنو فرقة أغجار هتايه
وهي نسربوها المنطقة الغربية وين كاف ليكم قبر في وهطايه
كمشة هتايا مالكم أهمية خاطي العزوبة مالكمش قضايه
تبي تزورنا وتخوض هالميَّة مرفوض ياشيطان رفض نهايه
مرعوب من تصريح الاسلامية وحني معاهم رافعين الرايه
يجي يوم فيه النور ساطع ضيه نبو نجوك جيت طالبين سوايه
تبدا البنادق دايرات قلية وانتم علي مد النظر جرايه
وحنا في انساكم مانديرش سيه يعيشن معيشت عز حد الغايه
مش كيفكم ما عندنا انسانية بيوت الكرم ما يقعدنش خلايه
وهذي وثيقة للاجيال وصية عليها قسمنا والجميع رضايه
في أمر التوارق نبه الليبية راهم ضناكم رايحين ضحايه
هدوا علي كربيس نارة حية خيركم رقدتو ياتريس المايه
نرجو في تريس المنطقة الشرقية والمقرحي يسمع في صوت ندايه
هدوا عليهم وأصمدو جملية ياسر حياة الذل شىء كفايه
ديرو خلايا في الخفا سرية خودو نظام الشق في لمرايه
غـلطان بتخضَّع الورفلية اللي خاطلك هذا عـديم درايه

الوليدي الورفلي
بني وليد ـ الرصيفة ـ وادي الزيتون


Libya: News and Views      LibyaNet.Com      Libyan music       Libya: Our Home