Libya: News and Views      LibyaNet.Com      Libyan music       Libya: Our Home
Libyan Writer Ghezlan
الكاتبة الليبية غزلان

Tuesday, 15 May, 2007

الحلقة الثانية     الحلقة الأولى

كيف تـكـتـب برقـية للـ "قـايد"..!!

غـزلان

مغالطات 1

اتــْـقول ؤُ في اقوالك تـِـجـْـتـــــــــــــــــــــــــــــــــــر

 إنّك .................................."...ـثايــــــــــــــــرْ

وانـَّك قايِدْ وانـّك.....   صنـديــــــــــــــــــــــــــــــــــد

وانـّك فَـلـْته....... وِمـْفكـِّــــــــــــــــــــــــــــــــــــــــرْ

وانـّك حَقْ، نـِبي..... جـديـــــــــــــــــــــــــــــــــــــــد

وانّ القــَشْ.. فـْـ   فــمـّكْ...............................درْ

وانّ ابـْراهينك فـِ الإيــــــــــــــــــــــــــــــــــــــــــــــد

وانـّك، بــِ  كـْتــــــابك لـخْضــــــــــــــــــــــــــــــــــر

داير جنـّه وســــــــــــــط  البيـــــــــــــــــــــــــــــــــد

وانـّه..وانـّه..............وانـّه........................وانـّه

وانـّك.......................................قــــــــــــــــادر

وانـّكْ صاحي وسْـــــط  امْـراقيــــــــــــــــــــــــــــــــد

و انـّا (سبحــــــــــــــــــــــــانه)....عْطاك خَبـــــــــَـــر

لا تصدا  ولا معاه تبيـــــــــــــــــــــــــــــــــــــــــــــد."

            و...اتـــقول... وفي اقوالك تجتـــــــــــــــــــــــر

.....................................

إســـــــــــــــــــــتدراك و..تصحيح

 إلاّ  انـّـه..................

إلاّ إنـّه ادْفـَنـْقي ..........وُهَـذر

وِ سـْـفاهة حـِبـْر جـْواريـــــــــد     

ؤُ هـَرْجـِة زُكـّار......ا يــبــَنــْــــــــدر

غناويـّهْ قش امجاريــــــــــــــــد

زكـَّار وفيده اوصــأيــــــــــــــر

يـطـَبـِّـل و الردّادة عبيـــــــــــــــد

سْـطاوي في اقوانين الكــــــــــــــــــــر

ؤُ يــْبـَــدِّع فــ آمور التعصيـــــــــــــد

ؤُ هُو باطل .....

باطل فـ اعلامك ســــــــــــــــــــادر

فيه لـِنـَّا وِجـْهات نظــــــــــــــــــــــر

وُ يــَحـْـتاج الـْ  بعض التـِـفـْـنيـــــــــــــد!

علاقات جدلية

ـ 1 ـ بينك وبين الشر

 فــ..... اللـَّي  ثابت ....وِ مـْجـَــذِّر

وِ اللـّي في اللوح امـْســـــــــــــطـِّـــر

انــَّكْ...زنديق وُ مـِتـآمـــــــــــــــر

وانـَّك..مـِ الثورات  الـْمـيـــــــــــــــد

ؤُ فـضـْلات صواني واصفر.......

ؤُ مـانك في الأفكار سْـــديـــــــــــــــــــــد

ولا ليك كرامات ؤُ ســِــــــــــــــر

ؤُ لانك للجـِـراح ضميد

ولانك جـبـّار كـْـسـَايــــــــــــر

مـِنـَّك ما يجينا مفيــــــــــــــــــد

ما تجينا غير الليِّ اتـْـضـُر

ؤُ لانك من خام صِنـاديـــــــــــــــــــد

ؤُ لانك جيــّاب ابـْشــــــــــاير

إنت... مـِ الأصلي تقليـــــــــــد

مْزيف طينك ومزوِّر

ؤُ مـِ الكلمة نقض امواعيـــــــــــــــــــــــد

ؤُ مـِ الطـَـبـْخة حراق اطـْـناجــــــــر

ومـِ الحكمة قطاف ابراريـــــــــــــــــــــد

فوق اكـْوانين اتــْـصـَـفـِّــــــــــر

ؤُ..لـِلـِّي ما تضِدَّه مضاديـــــــــــــد

وِ مـْـثيـله في الشر انـْـــــــدر

عـَلـيه،انت،حجـَّة وُ تــوكيــــــــــد

وِجـْواب ابــْخـتـْم امـســوقـِــــــــــــــــرْ

ؤُ...............

لا حاضر لا ماضي تــْـليـــــــــــــــــــــــد

ؤُلا عـندك بـيـش اتـْفاخـِـــــــــــــــــــــــر

ؤْ لا بايـِنـْـلـّكْ فـِعـل حـمـيـــــــــــــــــــــد

ؤُ.. لا ..ما عـنـدك شــيْ...يــْســُــــــــــــر

                             إمـْـغير جييييييييييييييت وجابوك احْـفــــــــــــــــــــر

إللـِّي ارْمـــــــــــــــــانا بيـهن ضـامِـــــــــــــــــــــــــر

إحـْقـاد امـْـغمـِّســـــــــــــــهن في الشـــــــــــــــــــــر

كـاد لـْـنا ومــازال ايِــكِيـــــــــــــــــــــــــــــــــــــــــد!

 الليـبي..عنـَّك جاه خــبـــــــــــــــــــــــــــــــر

إمْـــ  نـَوَّل يوم افـــ ســبـتـمـْـبـــِــــــــر

إنــَّك  لـِلشــّــر  امـْسـخِّــــــــــــــر

ولِلشــر امعاك امْـواعيـــــــــــد

انتـا سـِــــــــكـِّينه وين نحـَـــــــــــــــــــــر

ؤُ بــَدِّدْهـا لـِ  اكـْـلاب الصيــــــــــــــد

ونـِتْ فاسه امْـنين فيها حـفـِّـــــــــــــر

مـْطارح للبوم امـغاريــــــــــــــــــــــــــــــد

وهو فيك وبيك اسْـتـَـقــَـــــــــــــــر

ؤُ نـِتْ في ا يــدِيه سـْـياط حديــــــــــــد

ؤُ نـِت عـَلْ بـَابه كـَلـْمـِة ســـــــــــــــــــــــر

وُ شـرعـَه في يـْـديك امقاليــــــــــــد

إنـتَ إلـْ  مبتداه خـْـبـَــــــــــــــــــــــــــــــــــرْ

ؤُ نايب فاعل لـَهْ وِسـْـنيـــــــــــــــد

وانـتَ اضْميره المُـسْتـَـتِـــــــــــــــــــــــــر

وتقديره ...ابـْرتبة عـَااااقيــــــــــــد

وانـْتَ له أوِّل  وااااااخـِــــــــــــــــــــــــــــــر

ؤُ فِـ اعرابه نون التوكيـــــــــــــــــد

ؤُ هُو وجهك..وين يْكـَشِّــــــــــــــــــــــر

قبيح ومليان اتجاعيــــــــــــــــــــــــــــــــــــد

ؤُ نـِتْ ضغطة بيده عـَ الـــــــــــــــــــــزر

وِانتَ له  سحَّاب زنيــــــــــــــــــــــــــــــــــــد

وِانـْتَ عْيَارَه وين اتـْـفجـِّـــــــــــــــــــر

افــْ  أوّل يوم إفـْ سِبْـتمْبـِـــــــــــــر

عيار طايش راميه قـْــــــــــــــــــدَر

في ليل امـْدَلـْهـِـم سِـــــرْميــــــــــــــــــــــــــــد

الليبي عـنـّك عنده خبــــــــــــــــــــــر

ؤُبـان امـْصيره متصـــــــــــــــــــــــــــادر

نـْـفــخـْـته فـِـ  المجـهــول بـِـديــــد

مـِنـَّـه عمره ضاع هـــــــــــــــــــــــــــــدر

افــْ دَمـْـسـات أيـام امـْسـاويـــــــــــد

فـا يـِقـْلك وِ مـْـعاه خبــــــــــــــــــــــــــر

الوطن اللـِّي حـظـّه عـاثـــــــــــر

اللـِّي شــانه امـْذِيـبل صــاغــــــــــــــــــر

شـــانه صـاير شــان عبيــــــــــــــــــــــــــد

شان خايب..فـِـ ارْدانـه يْـجـــــــــــــــر

وراك كما جـْـثـّة  فـِ الإيـــــــــــــــــــــــد

إِلـْيَا راهن..راهو خاســـــــــــــــر

على واحد زَيـّك داعــــــــــر

في بـغـْـيه  زايـــد وِيـزيــــــــــــــد

                                     وِ.....اتقـــــــــــــــــــــــــــول........

           ..........................................................

 جدل ـ 2 ـ ..........                                بينك وبين الباطل!

دَعـَاوِيـنـك كـِذْب امْـســــــــــــــطـر

ؤُ تـلـفـيقاً  لـِـ قول زهيــــــــد

ؤُ فـمـِّك بالكِـذب امـْـقـَـــــــــــــــزْدِر

كـِذْبـَـك في وزن جـْـلاميــــــــــــد

البـاطل بـين ايديــــــــــــــــــــــك اصْرُرْ

مـُـدْمـِن في مـدعـاه عـتـيـــــــــــــــــــد

صـَبـيْ عينك  لاحـْـتجْـت انـْـظـــــــــر

ؤُ فـِ امـْـتـاهك زاد وُ  زُِوِّّيـــــــــــــــــــــد

إنتَ فــْ  بـَنـْـكـَـه صـَكْ امْـجـَـيـّـِـــــــر

لـِ حْســابـَه وقـْـت التـِسـْـديـــــــــــــــــد

عـلى عـُـمـْــلاته مـِـتـْــدولِــــــــــرْ

مـِـتـْـبورِص عنـده في رصيـــــــــد

ؤُ نـِت مـِقـْياسـه لـْـيا شــَــــــــــــــــبِّــرْ

ؤُنــِتْ فرســــــه كانه غامــــــــــــــــــــــر

وفـِ انـْــعالـه شـــيـطان امْـريـــــــــــد

وهو مـرْكوب بيـــك عَـبَــــــــــــــــــــــــرْ

عــليـه تلـْـهـــد لا صار لهيـــــــــــــــــــــــــد

ؤُ نـِتْ وِجـْهاته الـْيـا ســــــــــــــــــافــــر

ؤُ بوصلته إلـْـيـا ضلْ قصـيـــــــــــــــــــــــــد

ؤُهُو بـِعـْـبـاتك يـتـْدَّثـِــــــــــــــــــــــــر

وِانـْتَ لـِكْراســـــــــــــــــــــيه انـْضـيد

ؤُنـِـتْ كاســاته وين ســـْــــــــــــــــــــــــــــــــــكِرْ

ؤُ ســكـَّار.. افـْ بـاره عـِـربــــــــــــــــــــد

وانـْـتَ صوتــه ويـــــــــــــــــــن يزوِّر

ؤُبـرَّاحـــــه الـْـيا صار شــْـــــــــــــــــــلـيد

عـَـنـّك،هُو،ؤُ عـنـّـــه تـُــصــــــــــــــــــــــــــــــــــدر

الـْـيا قـصِّـر نـِت عـنـَّـــه اتـْـزيـــــــــــــــــــد

عـَلـيك ايســــَّـــدي وِ يـنـَـيـِّــــــــــــــــــر

ؤُبـِه تـُـحكم وِ امـْـدايرسيــــــــــــــــــــــــــــــــــــد

..........وِإتـْقـــــــــــــــــــــــــــــول!.................

مغالطات ــ 2 ـــ

أمـّـَـا وِ انـّـه.......وِإنـــَّـــه.........وِإنـَّــــــه 

وِ"..إنــَّـك .........نـــــــــــــــــــــــــــــــاير

و نورك في الظلمـــــــات يقيــــــــــــــــــد

وانـّـك "للعســـــرات  ايسـَـــــــــــــــــــــــرْ

ؤُ عــ المـَعـْـصم فـكـَّـــــاك القـيــــــــــــــــد

وان قنـاديلك ســـــــــامــــــــــــــــــــــــــــر

اتـْـبـقــِّص  زي هلال العيــــــــــــــــــــــــد

وانـّكْ ريـحــانة وسـْـــط  اقـْـفــــــــــــــــــر

زهورك عــَ  الأغـصــــان اتـْـميــــــــــــــد

وانـّـه، وانـّـه،وانــَّك شـــــــــــــــــــــــاطـر

ؤُلا يـْـنـِّدك والي ولا انـْديـــــــــــــــــــــــــد

ؤُ حـتى عــَ الطيـر الطايــِــــــــــــــــــــــــر

مـِــتــْسـَـــمِي الصقر الـــــــواحـِيــــــــــــــد"

سريـــــــــــــــــــــــــــــــــــب:

 إلـَـخ   إلـخ..... إلـَـخ.......إيـيييييلـَــــخ   

وكما في الباطن والظاهــــــــــــــــــر

ؤُ فـِـ  اللـّي معروف وُ دايــــــــــــــــــــــــر

إنــَّـه كـْـلـَّـه قول امـْـــــــــــــــــــــزوِّر

اقـوال رخيـــصة فـِـ  اتــْـميعـيـد

واخـِذْلـِك مـِنـْـها اشـــكايـــــــــــــــــــر

من كـَمْشـَـــــة دون ارْعـاديـــــد

مـِ اللـِّي ذبــِّـح ،وِ اللـِّي غـْــــــــــــــــــــــدر

مـِ اللـِّي شــِـنـقوهـــا عـلا  اعـْـواميـــد

انــْـفوس رخيصـــة تـِـتـْـحاقـــــــــر

وضيـعة في حجـــــم اقـْـنــــافيــد

اكـْـواســـم لـِـلشـــــر اتـْـبـخـِّـــــــــــر

ؤُ لا يـَـســـْـووا عــَ  الـجـرح اضـْـميــد

جرحك.. في نفســـك غايــِــــــــــــــــــــر

لأنـك منبــــوذ امـْـطيريــــــــــــــــد

تـْـقـول جرثومة افـ ْ مـُـخـْـتـَـبـــــــــــر

كارس فـِ صنيديق حديــــــــــــــــــــــــــــــــــد

بـْـلا مـأْوى لـيه اتـهـــاجـــــــــــــــر

مـَـطـْـلوب عدالة تـابـيـــــــــــــــــــــــــد

إن كـان سـْــــــــويت اتـْـجيب صـْـفـِـر

ؤُ مـَـانك فـِـ امـْـعـَــدّان عـديــــــــــــد

امـْ غـيـر تـْـزاحِـم وِ تــْـعـافــِــــــر

 

وانت عاجز وســْــط امـْـخاميـــــــــد

كما حال الثور الخايـــــــــــــــــــــــــــــــــر

لا بقرة منـّه اتـْـعشـــّــــــــــــــــــــــــــــــــر

و لا يحرث لا يجي  قدِّيــــــــــــــــد

وبـَـحـْـرك كان اتـْقـيـس شـْـبـــــــــــــــــر

علي شـــــط الثورات زبيـــــــــــــــــــــــــــد

لا مـْراكب تـرْكـِبـْـله خْـطًـــــــــــــــرْ

ؤُ لا يـُـهـْـدِرلـه مــــوج اعـْـنـيــــــــــــــــد

ؤُ لا عـْـمـْـت و لا خـُـضْـت ا بـْـحــــــــــــر

يــا دوبــك عــ الشــط امـْـريــــــــــــــــــــــــــد

عـلى حـجـْم امـْـواجـــــه تـُـقــْـصــــــــــــر

امـْ  غـير لـَـكْ دعاية وتقليــــــــــــد

 تشخيص....!       

امْـ  غـير بــْـمـَرْضـك مـــِـتــْـأثــِّــر

مـِـتـْـعـاضـل لا وِنــِّــه اشـــْـــديـــــــد

جـْـنـون الـْـعـّـظـّمـة بـيــك اكـبـــُـر

مـا زادك غـيـر اتــْـمـَرمـيـــــــــــــــــد

صـاير قـِـرْبـــَـه ؤُ يـْــقـَـطــِّـــــــــر

عـلـيـنـا في قـيح وِ فـِ  صْــديــــد

وْهْو فـِـ  ســْـــلوكك مـِـتـْـمـَـظـْـهـــــر

بـِـــه دايـــر ظاظـا وِ غـْـريــد

ؤُ بــيــه اتـــْـزايــد وِ تــْكايــــر

و بـيـه ا تــْـخـَـطـَّط  لـِـ  امـْـكـا يـيـــد

ؤُ بــيــه اتـْـماطِـــل وِ تــْـقـَمــِّـــر

و لا بـا يــِـنـْـلـَكْ راي اســـْــــــــــديـد

الحاصل واللي  مِـتــْـســـــــــوقر

انـــَّك فـِ جـْـنونك مِـسـْـتمــــــــــــــر

فـَـــ  اعـْـليـه ؤْ لابــد يـِـتــْـقــــــرِّر

في الهواري تـَـســــــــــــْـتــَقـــِــر

                    ســــــــــــــــــــريرك فاضيلـك شـــــاغــــــــــــــــــــــــــــــــــــــــــــر

                    مـن غادي ما ليــك امـْـفــــــــــــــــــــــــــــــــــــــــــــــــــــــــــــــــــر

                    عــن غادي ما ليـك امـْـحيـــــــــــــــــــــــــــــــــــــــــــــــــــــــــــــــد

 جدول أعمال مقترح :

 بـِـ  امـْـكانك غادي تـْـزمـِّــــــر

وِتـْـبــنـْـدر وســــط امـْـكاســـــيد

غـادي اجـْنونــك يـَزدهــــــــــــــــــر         

ؤُ ما يـْـزيـدك غـير اتـْـفـرْهـــــيد

ؤُ تــِـقـْـدر،غــادي، تـَـبــْـتــَكـِـــر          

وتـصـْـنع مــِ الشــاش امـْـناطـــيد

ؤُ تـِـحـْـلب مـِ الكـُـرّاث ازْهــــــــــــر           

ؤُ مــِ النـُـخــَّـالة اتـْـدير ســْـمــــيد

ؤُ تـركـب راســــك وِِ تـْـقــــرِّر         

قـَـضْ الـعـالم قـضْ امســيد

ؤُ تــُـنـقـُب في الســـيـســـان احفــر        

          مـثـابة لـَك وِ امـقـر جديــــــيد

وغاديك تـَنــْهى وتـامِــــــــــــــــــــر         

          جـْـنود اوهـامك بالـتـحـْديــــيد

ؤُ تقدر للصبح  اتـْـنـظـِّــــــــــــــر           

ؤُ تـِـفـتي في امـْـهـام الترشـــــــــيد

ؤُ تـِقـْـدر غـاديك اتـْـحاضِـــــــــر

ههههههههههه.....         

           ؤُ تـرســــــــم عا الزِّلـيز صـْـــــــــــــــــــــــــور          

          تـْـبان فـيها مـِغـوار عـنــــــــــــــــــــــــــــــــيــد

          ؤُ تـْـقود،وكالـعـادة،تـُـخســــــــــــــــــــــــــــــــر          

          مْـعـاك طــُبـَّا يـحلوا عـقاقــــــــــــــــــــــــــــيـــد

          ؤُ تقدر تــــكذب،وِتــــــــــــــــــــــــــــــــــــــزوِّر          

          وِتـْـفـَـصـِّلـَّك شـــعب سـْـعــــــــــــــــــــــــــــــيـد

          عليه  تـْـنيـخ وِتـِـتـْـنـَمـَّـــــــــــــــــــــــــــــــــــــر           

          كما فـْ  مـاضي أيــّـام امـْـنـَاكــــــــــــــــــــــــــــيد

أيـــــــــــــــــــــام..........!

أيام امـْغـَطـِّسهن في الشـــــــــــــــر

عشناها مرضى امســــــــــــــــاهيـد

اتـْـجـَرَّعـْنـاها شـَـهرْ اشـْهَـــــــــــــــرْ           

حـصَـدْنـاها امـْـغير بـْـغاديـــــــــــــــــــــــــــد

شــربنـا مـْـعـَاهن صـبر ؤُ مـــــــــــــــــــــــــــــــــر           

مْشـن فـ حـســـــرات ؤُ تِـنـْهـــيــــــــــد

وايـّام مـْشـَـطـِّـبــْهن جــَـــــــــــــــــــــــــــر           

مـمـْحيــَّات امـْن التـعـديــــــــــــــــــد

امـْ  بين يـْدينا مشن حســـــــــــــــــــــــــــــر            

محروقات على اسـْــــــــفافـــــــــــــــيد

ما هِنـّاهن غير اعْسَـــــــــــــــــــــــــــــــــــــر           

جابك لـِنـَّـا مع امـْـكـأيـــيــــــــــــــــــد

إفـْ ليل امْـدلـْـهـِـم تـِـتـدّبــــــــــــــــــــــــــــــــــر

انـْـذيـر شـــوم اعـْـليـنا ؤُوعــــــــــــــــــيد

جابك في هوجــة عَـسْــــــــــــــــــــــــــــــــكـر

غاشـــم للحرية اضـْديــــــــــــــــــــد :

الزبدة .......!

لا من ناخب لا شــــــــــــــــــــــــــــــــــــــــــــــــــــاور

لا اخـْـتـِـرنـــــاك افــْـ  مـْؤتمــــــــــــر

ؤُ لا بـايـعنـا تحت اشـْــجــَــــــــــــــــــر

ؤلا اكـْـتـَبـْنـا مـْـعاك امـْـعاهيـــــــــــــــــــــد

مكـتوبـيـــن اســـْــــطر اســْــطــــــــــــــر

لانــــــــذال الـلِّي  داروك عـَقــيــــــــــــــــــــد

مـَطـْـروحين اتـْـقــول احـْـصــــــــــــــر

تـحـت انـْـعـــــالـِك و ســْــــجــــاجـــــــــــــــــيد

لا هـُـم مـِ الـخـيـَّــار اخـْـيــُــــــــــــــــر

ؤُ لا لـيـــــهم صـيـــلة بــْ جـاويــــــــــــد

هـُـمْ ســــوس فـِ الـعـَـظـم انـْـخـــــــــــــــــر

ؤْنـــِـــتْ فاســـــــد وســــط امـْـفاســــــــــيد

لا نك  مـِ الليِّ  تـريس عَـسَـــــــــــــــــر

ولا تســوى حافر في هـويـــــــــد

الشعب اللـِّي جرّعته المــــــــــــــــــــر

عـَـدَّكـْ  فـِ امغانيـه كـــــــــــــــــــــــــدر

كما عيطة بومـة في نـْـشــــــــــــــــــــــيد

وُانـَّـك في فصله عـابـــــــــــــــــر

كـَما غلـْـطة في كـْـتاب مـِجـيـــــــــــــــــــد

لاعـَدِّل لا اعـْطـاك خبـــــــــــــــــــــــــر

سـاقط مـِ  الحســـــــــــــــــــــبة

ؤُ مــِ القيـــــــــــــــــــــد

وضـْـعك واجـــــــد مــِتـــْـدَهــْـــــــــــــــوِر

ؤُديـــنك فايــض عـَ  الـتِســديـــــــــــــــــــد

انـْــتــــا ...بالعربي...لا تـُـثـْـمُـــــــــــــــــــــــــرْ

ؤُ لا تسـْـــــــــــــــــــــــــــــــــــــــــــــــــــــــــــــــــــــــــــــوا

قــَـشــّــــــــــــــــــــــــــــــــــــــــــــــــــــــــــــــــــــــــــــــــة

فـِـ احـْصيـــــــــــــــــــــــــــــــــــــــــــــــــــــــــــــــــــــــــــد!!

 

ـــــــــــــــــــــــــــــــــــــــــــــــــــــــــــــــــ

                                                 

غـــــزلان   2003 ـ 2007

 


الحلقة الثانية     الحلقة الأولى

Libya: News and Views      LibyaNet.Com      Libyan music       Libya: Our Home