Libya: News and Views      LibyaNet.Com      Libyan music       Libya: Our Home
Libyan writer Essa Abdel-Qayoum


Essa Abdelqayoum

الأحد 14 سبتمبر 2008

       
       

خمسه حكاوي(*)

عـيسى عـبدالقيوم

المجموعة السادسة

1. الو يا صحة

ـ يا راجل اليوم درت حادث على شوي وشالوني للمستشفى .
* الحمد لله على السلامة .. والله نجوتك كبيره م المستشفى !! .

2. بورصة الوطنية

ـ حضرتك ليبي وإلا من الدول الشقيقة ؟! .
* على كـّم التصريف اليوم ! .

3. ذهاب شيرة

الأول : اليوم خطيب الجمعه فى ليفربول كلمنا على أجر عتق الرقبة ! .
الثاني : عتق رقبة غادي !! .. فى ليفربول .

4. شيء يشبه الذكاء

ـ امس مشيت مع الجماعة للاعتصام على خاطر المحامي طالب مني صورة سياسية لقضيتي .
* تربح يا خوي انا مرفوض من المحكمة العليا .. لو فيه اعتصام خبرني بالله.
ـ مرفوض مالمحكمة العليا ؟! .. هذى ما يجيبهاش اعتصام .. هذى دورلها إنتفاضة خيرلك .

5. خروج عن النص

الأولى : شنو رايك فى فكرة الحزب متاعنا ؟! .
الثانيه : مش بطاله ! .
الاولى : مش بطاله ؟! .. شنو ناقصها مثلا ؟! .
الثانيه : يعني .. نحس فيها خفيفة .. ومش مخدومة كويس ! .
الاولى : شنو هي عصيدة ! .
الثانيه : اماله نحن عليش نحكوا !! .

والسلام
عيسى عبدالقيوم
http://essak.maktoobblog.com
________________________

 (*) "خمسه" : لفظ ليبي دارج يعني خمس دقائق مستقطعة .


       
       

Libya: News and Views      LibyaNet.Com      Libyan music       Libya: Our Home