Libya: News and Views      LibyaNet.Com      Libyan music       Libya: Our Home
Libyan writer Essa Abdel-Qayoum


Essa Abdelqayoum

Saturday, 4 August, 2007

       
       

خمسه حكاوي(*)

عـيسى عـبدالقيوم

المجموعة الخامسة

1. تشابه ظروف

المتسول : شنو .. الاخ زميل مهنة ! .
الآخـــر : كيف يا راجل ؟!!.. أنا كاتب !.
المتسول : تي عارف .. ما هو حتى أنا كاتب ! .

2. مختبرات ع الهواء

* امس شفت برنامج تلفزيوني مرارتي فاضت .
ـ معاناها البرنامج ناجح.. ياري .
* وين النجاح ؟! .
ـ مش أثبت انه مرارتك تشتغل .

3. السببية فى فكر الليبو

الأول : اسمعت أخر نكتة ؟!.
الثاني : لا .
الأول : قالك واحد لقى بطمه شرالها كبّوط ! .
الثاني : قديمة .
الأول : باهي شنو الجديد ! .
الثاني : قالك واحد لقى مغتربين دارلهم وزارة ! .

4. بورصة المواقف

هو : شنو الأسعار فى السوق يا تجار .
الأخر : قالو هالايام البلغاري سومه راقي .

5. وجهة نظر

ـ شكله مش عاجبني .. وصوته قعد غليظ ! .
* صدقت .. حتى هو له زمان يدقل .
ـ ليس ما يجربوا واحد جديد .
* الإركسون كله هكي ! .

والسلام

عـيسى عـبدالقيوم
http://essak.maktoobblog.com
________________________

 (*) "خمسه" : لفظ ليبي دارج يعني خمس دقائق مستقطعة .


       
       

Libya: News and Views      LibyaNet.Com      Libyan music       Libya: Our Home